Мадриднинг "Атлетико" клуби бош мураббийи Диего Симеоне Ла Лиганинг шанба кунги "Вильярреал"га (2:0) қарши ўйинида ҳужумчи Хулиан Альварес ва ҳимоячи Давид Ганцко жароҳат олгани ҳақидаги саволга жавоб қайтарди.
Аргентиналик форвард танаффусда захирага олинди, словакиялик марказий ҳимоячи эса 76-дақиқада майдонни тарк этишга мажбур бўлди.
"Альварес ва Ганцконинг жароҳатлари? Эртага биламиз. Умид қиламанки, жиддий нарса йўқ. Менимча, бу кичик жароҳатлар. Ганцко тўпиғини қайриб олди, тафсилотлар эртага эрталаб маълум бўлади," - деди Симеоне матбуот анжуманида.
