Madridning "Atletiko" klubi bosh murabbiyi Diyego Simeone La Liganing shanba kungi "Vilyarreal"ga (2:0) qarshi o‘yinida hujumchi Xulian Alvares va himoyachi David Gansko jarohat olgani haqidagi savolga javob qaytardi.
Argentinalik forvard tanaffusda zaxiraga olindi, slovakiyalik markaziy himoyachi esa 76-daqiqada maydonni tark etishga majbur bo‘ldi.
"Alvares va Ganskoning jarohatlari? Ertaga bilamiz. Umid qilamanki, jiddiy narsa yo‘q. Menimcha, bu kichik jarohatlar. Gansko to‘pig‘ini qayrib oldi, tafsilotlar ertaga ertalab ma’lum bo‘ladi," - dedi Simeone matbuot anjumanida.
