"Наполи" бош мураббийи Антонио Конте Расмус Хёйлунднинг ўйини ҳақида фикр билдирди. Даниялик ҳужумчи "партенопияликлар" сафидаги дебют ўйинида "Фиорентина" дарвозасини ишғол қилди. Учрашув амалдаги Италия чемпионларининг 3:1 ҳисобидаги ғалабаси билан якунланди.
"Хёйлунд Мактоминей билан жуда яхши ишлади, у ҳам "Манчестер Юнайтед"дан келди ва ўзини жуда зўр кўрсатди. Расмус атиги 22 ёшда ва мен унинг катта салоҳиятга эга эканлигини кўряпман," - деди Конте Sky Sport нашрига берган интервьюсида.
"Наполи" Расмусни "Манчестер Юнайтед"дан маълум шартлар асосида сотиб олиш шарти билан мавсум охиригача ижарага олди.
