Арне Слот "Бёрнли"га қарши ўйин қайдномасида Александр Исакнинг йўқлигини изоҳлади.

"Ливерпуль"нинг янги форварди АПЛнинг 4-турида меҳмондаги ўйин қайдномасидан ўрин олмади. Учрашув бугун Тошкент вақти билан соат 18:00да бўлиб ўтади.

"Ҳаммага маълумки, у "Ньюкасл" жамоаси билан машғулот ўтказмади, кейин эса терма жамоага бориб, майдонда атиги 15-20 дақиқа ўйнади.

Ҳафтада учта ўйин борлигини ҳисобга олсак, "Атлетико"га қарши ўйин олдидан унинг учун шуниси яхшироқ деб ҳисоблаймиз. Биз у ҳар сафар беш-ўн дақиқадан ўйнамай, бир ҳафта тўлиқ машғулот ўтказгани маъқул, деган қарорга келдик.

Мухлисларни ишонтириб айтишим мумкинки, у чоршанба куни таркибда бўлади, аммо бугунги ўйинга бироз эрта," - деди "Ливерпуль" бош мураббийи.

Мерсисайдликлар Чемпионлар лигаси умумий босқичи доирасида 17 сентябрь куни "Атлетико"ни қабул қилади.