Arne Slot "Byornli"ga qarshi o‘yin qaydnomasida Aleksandr Isakning yo‘qligini izohladi.

"Liverpul"ning yangi forvardi APLning 4-turida mehmondagi o‘yin qaydnomasidan o‘rin olmadi. Uchrashuv bugun Toshkent vaqti bilan soat 18:00da bo‘lib o‘tadi.

"Hammaga ma’lumki, u "Nyukasl" jamoasi bilan mashg‘ulot o‘tkazmadi, keyin esa terma jamoaga borib, maydonda atigi 15-20 daqiqa o‘ynadi.

Haftada uchta o‘yin borligini hisobga olsak, "Atletiko"ga qarshi o‘yin oldidan uning uchun shunisi yaxshiroq deb hisoblaymiz. Biz u har safar besh-o‘n daqiqadan o‘ynamay, bir hafta to‘liq mashg‘ulot o‘tkazgani ma’qul, degan qarorga keldik.

Muxlislarni ishontirib aytishim mumkinki, u chorshanba kuni tarkibda bo‘ladi, ammo bugungi o‘yinga biroz erta," - dedi "Liverpul" bosh murabbiyi.

Mersisaydliklar Chempionlar ligasi umumiy bosqichi doirasida 17 sentyabr kuni "Atletiko"ni qabul qiladi.