"Барселона" ярим ҳимоячиси Марк Берналь бир йилдан кўпроқ вақт ичида биринчи марта майдонга тушди. 18 ёшли испаниялик футболчи Ла Лиганинг 4-турида "Валенсия"га қарши ўйинда (6:0) захирадан майдонга тушди - бу хавбекнинг ўтган йилнинг августидан бери илк бор майдонга тушиши бўлди. Эслатиб ўтамиз, ўйинчи хочсимон боғлами йиртилгани сабабли майдонга тушмаган эди.
"Ажойиб таассуротлар, мен жуда бахтлиман. Барча футболчилар ва барча техник ходимлар мени қўллаб-қувватлаш ва табриклаш учун ёнимга келишди. Қайтганимдан беҳад хурсандман."
"Жуда оғир бўлди. Аввалига туннель охирида ёруғликни кўрмайсиз, лекин ойлар ўтиши билан ҳамкасблар ва клубнинг ёрдами билан ҳаммаси осонлашади. Бу жароҳат мени кучлироқ қилди ва ўзимни жисмонан ва энг муҳими, руҳан яхшироқ англашга ёрдам берди," - дейди футболчи интервьюда.
