"Манчестер Юнайтед" ўз антирекордларини янгилашда давом этмоқда. Якшанба куни Рубен Аморим жамоаси сафарда "Манчестер Сити"га 0:3 ҳисобида мағлуб бўлди. Optaнинг хабар беришича, "қизил иблислар" Премьер-лиганинг жорий мавсумидаги тўрт турдан сўнг атиги тўрт очко тўплади - бу клуб учун 1992/93 йилги мавсумдан бери энг ёмон кўрсаткич. 33 йил олдин жамоа Алекс Фергюсон даврида ҳам шундай натижа қайд этганди.
Рубен Аморим ўтган йилнинг ноябрь ойида "Манчестер Юнайтед" бошқарувига келганди. Ўтган мавсумда манкунианликлар чемпионатда 15-ўринни эгаллаган эди.
