"МЮ"нинг собиқ устози Эрик тен Хаг Нидерландиянинг "Твенте" клубини қабул қилиб олишдан бош тортди. Бу ҳақда Telegraaf портали хабар бермоқда.
Манбага кўра, клубнинг кўплаб мухлислари тен Хагнинг келишига умид қилишган, бироқ якунда унга бошқа номзод сифатида қаралмаётгани маълум бўлган.
Мураббий ишга қайтиш Леверкузеннинг "Байер" клубидан оладиган пулларига салбий таъсир кўрсатиши мумкинлигини маълум қилган. Эслатиб ўтамиз, мутахассис бу жамоада бор-йўғи 2 тур ишлаб, истеъфога чиқарилган эди.
Аввалроқ, "Твенте"га нидерландиялик собиқ футболчи Марк ван Боммель ва жамоада ишлаган Рене Хаке рад жавобини берган эди. Клуб 5 тур якунига кўра 4 очко билан ўн учинчи ўринда бормоқда.













