"MYU"ning sobiq ustozi Erik ten Xag Niderlandiyaning "Tvente" klubini qabul qilib olishdan bosh tortdi. Bu haqda Telegraaf portali xabar bermoqda.
Manbaga ko‘ra, klubning ko‘plab muxlislari ten Xagning kelishiga umid qilishgan, biroq yakunda unga boshqa nomzod sifatida qaralmayotgani ma’lum bo‘lgan.
Murabbiy ishga qaytish Leverkuzenning "Bayer" klubidan oladigan pullariga salbiy ta’sir ko‘rsatishi mumkinligini ma’lum qilgan. Eslatib o‘tamiz, mutaxassis bu jamoada bor-yo‘g‘i 2 tur ishlab, iste’foga chiqarilgan edi.
Avvalroq, "Tvente"ga niderlandiyalik sobiq futbolchi Mark van Bommel va jamoada ishlagan Rene Xake rad javobini bergan edi. Klub 5 tur yakuniga ko‘ra 4 ochko bilan o‘n uchinchi o‘rinda bormoqda.
