"Барселона"нинг собиқ футболчиси Эрик Абидаль даҳшатли миш-мишларга муносабат билдирди. Аввалроқ интернетда унинг ўлими ҳақида маълумотлар пайдо бўлганди.
"Баъзи миш-мишларга ўрин бўлмаслиги керак. Мен шу ердаман, оилам билан бирга – ҳаммаси жойида. Ҳурмат – асосий калит. Мен яхши аҳволдаман, тирик ва соғман. Қўллаб-қувватлаганингиз учун миннатдорман. Келинг, чиндан ҳам муҳим бўлган нарсаларга эътиборимизни қаратайлик", - дея Абидаль ижтимоий тармоқларда ёзди.
2011 йилда Абидалда хавфли ўсма аниқланган эди. Франциялик футболчига жигар кўчириб ўтказиш операциясини бошдан кечириш мажбурияти туғилган.
