Франциянинг "Пари Сен-Жермен" клуби бош мураббийи Луис Энрике Лига 1 4-туридан ўрин олган "Ланс"га қарши ўйинни "Парк де Пренс" стадиони трибунасида томоша қилгани ҳақида гапирди. Учрашув парижликларнинг 2:0 ҳисобидаги ғалабаси билан якунланди.
"Мен ва менинг ходимларим узоқ вақтдан бери ўз натижаларимизни яхшилашга интиламиз. Мен анчадан бери ўйинларга бутунлай бошқача нуқтаи назардан қарайдиган регби мураббийларини кўраман. Биринчи бўлимни трибунадан кузатишни хоҳладим ва бу жуда ажойиб бўлди. Ҳаммасини кўра оламан ва назорат қила оламан.
Бўлимлар оралиғидаги танаффусда футболчилар билан суҳбат жуда мазмунли бўлди, чунки мен майдонда ким қандай ўйнаганини кўрдим," - дея Энрикенинг сўзларини келтиради RMC Sport.
Эслатиб ўтамиз, "ПСЖ" навбатдаги учрашувни бугун "Аталанта"га қарши ўтказади.
