Ла Лига президенти Хавьер Тебас Испания чемпионатида жамоа бош мураббийидан ҳакам қарорисиз видеотакрор кўришни сўраш имкониятини жорий этиш истаги ҳақида гапирди.
"Мен умуман ВАР иши мавзусини кўтармоқчиман. Менга ФИФА синовдан ўтказаётган тизим ёқади, унда ҳар бир бош мураббий ВАРда ҳакамлар қарорини кутмасдан, бир ўйинда икки марта кўришни сўраш имкониятига эга. Ишончим комилки, бундай амалиёт кўплаб келишмовчиликларнинг олдини олишга ёрдам беради. Биз бу тизимни Испания намунасида энг юқори даражада синаб кўришимиз мумкин," - дея Тебаснинг сўзларини келтиради Sport.es.
Эслатиб ўтамиз, Ла Лига президенти ВАРнинг амалдаги иш қоидаларига бир неча бор танқидий муносабат билдириб, ҳакамлар қарори бўйича баҳслар мусобақанинг спорт жиҳатига путур етказишини таъкидлаган эди.
