Лионель Мессининг «Барселона» сафидаги 2004/2005 йилги мавсумдаги дебют карточкаси спорт турларига оид карточкаларга ихтисослашган савдо майдончасида 1,5 миллион долларга сотилди. Бу турдаги маҳсулотлар учун рекорд ҳисобланади, деб хабар берди ESPN.

Карточка Mike Baker Authenticated Diamond, PSA, Beckett Grading Services ва Sportscard Guaranty Corporation сертификатларига эга бўлиб, коллекционерлар орасида энг нуфузли мақом белгиси сифатида баҳоланади.

Ўша мавсумда ҳозирда МЛСнинг «Интер Майами» клубида ўйнаётган 38 ёшли Месси «Барселона»нинг асосий таркибида илк марта майдонга тушганди. Ўшанда у 17 ёшда эди.