Lionel Messining «Barselona» safidagi 2004/2005 yilgi mavsumdagi debyut kartochkasi sport turlariga oid kartochkalarga ixtisoslashgan savdo maydonchasida 1,5 million dollarga sotildi. Bu turdagi mahsulotlar uchun rekord hisoblanadi, deb xabar berdi ESPN.
Kartochka Mike Baker Authenticated Diamond, PSA, Beckett Grading Services va Sportscard Guaranty Corporation sertifikatlariga ega bo‘lib, kolleksionerlar orasida eng nufuzli maqom belgisi sifatida baholanadi.
O‘sha mavsumda hozirda MLSning «Inter Mayami» klubida o‘ynayotgan 38 yoshli Messi «Barselona»ning asosiy tarkibida ilk marta maydonga tushgandi. O‘shanda u 17 yoshda edi.
