"Ливерпуль" сардори Виржил ван Дейк Чемпионлар лигаси доирасидаги "Атлетико"га қарши ўйин олдидан ўз фикрларини билдириб ўтди.
Нидерландиялик футболчи Мадрид жамоаси ва унинг бош мураббийи Диего Симеоненинг савиясини алоҳида эътироф этди.
"Атлетико" жуда қаттиқ ишлайдиган жамоа, уларда жаҳон даражасидаги мураббий бор. У жуда узоқ вақтдан бери бу клубда ишламоқда, бу кўп нарсани англатади. Биз "Атлетико"ни жуда ҳурмат қиламиз, уларда юқори савияли футболчилар, юқори савияли дарвозабон бор - мен чексиз давом этишим мумкин", - дея ван Дейкнинг матбуот анжуманидаги сўзларини келтиради УEФА сайти.
"Ливерпуль" ва "Атлетико" Чемпионлар Лигаси умумий босқич 1-туридан ўрин олган ўзаро ўйинни 17 сентябрь куни Тошкент вақти билан соат 23:59'да бошлайди.
