"Пари Сен-Жермен" сардори Маркиньос жамоанинг Чемпионлар лигасидаги стартидан нималар кутаётгани ҳақида гапирди.
Гуруҳ босқичининг 1-турида парижликлар Италиянинг "Аталанта" клубига қарши баҳс олиб боради. Бразилиялик ҳимоячи сўнгги ўзаро ўйиндан кейин рақиб ўзгарганини таъкидлади. Маркиньоснинг сўзларига кўра, бергамоликлар ҳужумкор ўйин кўрсатмоқда, аммо "ПСЖ" ўйиннинг турли сценарийларига тайёр.
"Охирги учрашувимиздан бери жамоа ўзгарди: уларда янги мураббий ва янги футболчилар бор. Бу ҳужумкор жамоа ва биз уларнинг майдонда қандай ҳаракат қилишини кўрдик. Қўлимиздан келганча тайёргарлик кўряпмиз, бизнинг кучимиз ҳам шунда. Биз рақибни яхши тушунамиз ва керак бўлганда мослаша оламиз," - деди бразилиялик матбуот анжуманида.
