Мадриднинг "Реал" клуби бош мураббийи Хаби Алонсо жамоа ҳимоячиси Дани Карвахалнинг кеча ЕЧЛ умумий босқичидан ўрин олган "Марсель"га қарши ўйиндаги қизил карточкаси ҳақида гапирди.
Испаниялик футболчи иккинчи бўлимда майдондан четлатилди.
"Бунинг олдини олиш мумкин эди. Қизил карточка ортиқча эди. Бу масалани муҳокама қиламиз," - дея "қироллик клуби" бош мураббийининг сўзларини келтиради AS.
Эслатиб ўтамиз, "қаймоқранглилар"нинг провансалликларга қарши ўйини Мадриддаги "Сантьяго Бернабеу" стадионида бўлиб ўтди. "Қироллик клуби" 2:1 ҳисобидаги қийин ғалабани тантана қилди. Иккала голни ҳам 11 метрлик нуқтадан франциялик ҳужумчи Килиан Мбаппе киритди.
