"Барселона" бош мураббийи Ханс-Дитер Флик ЕЧЛ 1-туридан ўрин олган "Ньюкасл"га қарши ўйиндан олдин матбуот анжуманида иштирок этди.
Немис мутахассиси турнирда ғолиб чиқиш учун нималар кераклигини айтди.
«Менинг тажрибамдан келиб чиқиб айтсам, ҳар бир ўйинда бор кучни бериш керак. Буни ўтган йили ҳам кўрдик. Биз сабоқ олдик ва ҳар куни яхшиланишимиз керак. Ҳар бир футболчи ўз имкониятини кўрсатиши лозим. Бизда ёш жамоа бор, уч нафар футболчи жароҳатланган. Эртага нима бўлишини кўрамиз. Биз ўзимизни кўрсатишимиз керак», - деди 60 ёшли мураббий.
Ўтган мавсумда каталонияликлар турнир ярим финалда "Интер"дан енгилиб, мусобақани тарк этганди.
