"Barselona" bosh murabbiyi Xans-Diter Flik YECHL 1-turidan o‘rin olgan "Nyukasl"ga qarshi o‘yindan oldin matbuot anjumanida ishtirok etdi.

Nemis mutaxassisi turnirda g‘olib chiqish uchun nimalar kerakligini aytdi.

«Mening tajribamdan kelib chiqib aytsam, har bir o‘yinda bor kuchni berish kerak. Buni o‘tgan yili ham ko‘rdik. Biz saboq oldik va har kuni yaxshilanishimiz kerak. Har bir futbolchi o‘z imkoniyatini ko‘rsatishi lozim. Bizda yosh jamoa bor, uch nafar futbolchi jarohatlangan. Ertaga nima bo‘lishini ko‘ramiz. Biz o‘zimizni ko‘rsatishimiz kerak», - dedi 60 yoshli murabbiy.

O‘tgan mavsumda kataloniyaliklar turnir yarim finalda "Inter"dan yengilib, musobaqani tark etgandi.