Туркия Суперлигаси 1-туридан қолдирилган учрашувда «Башакшеҳир» сафарда «Фатиҳ Қарагумрук» устидан 2:0 ҳисобида ғалаба қозонди.

Нури Шаҳин бошчилигида илк расмий ўйинини ўтказган «Башакшеҳир» янги мураббийига ғалаба совға қилди. Биринчи бўлимда Элдор Шомуродов рақиб дарвозасини ишғол қилганди, аммо гол офсайд туфайли бекор қилинди.

65-дақиқада Элдор Шомуродовнинг узатмасидан кейин Бринч аниқ зарба билан ҳисобни очди. Орaдан тўрт дақиқа ўтиб, Юсуф Сарининг узатмасидан кейин Анл Йиғит Чинор ўз дарвозасини ишғол қилиб қўйди — 0:2.

Қолган вақтда мезбонлар хавфли вазиятлар яратган бўлса-да, улардан фойдалана олишмади. «Башакшеҳир» мусобақадаги биринчи ғалабасини қўлга киритиб, очколарини 5 тага етказди. «Фатих Қарагумрук» ҳисобида эса 3 очко мавжуд.

Туркия суперлигаси. 1-тур (қолдирилган ўйин)
17 сентябрь. Пирей. «Ататурк Олимпик» стадиони
Ҳакам — Али Йилмаз (Туркия)
«Фатиҳ Карагумрук»  — «Башакшеҳир» - 0:2 (0:0)
Голлар: Бринч, 65 (0:1). Чинор, 69, автогол (0:2).
«Фатиҳ Карагумрук»: Грбич; Атакан Чанкая, Муҳаммад Қадиўғлу, Анл Йиғит Чинор, Балковеч; Жонсон (86 — Демирол), Беркaй Озжан (86 — Аксўн), Калпакли (46 — Сержиньо), Тиаго Чуқур, Бариш Қалайжи (46 — Камачо), Грэй (68 — Дох).
«Башакшеҳир»: Муҳаммад Шенгезер; Эбоселе, Ҳамза Гюрелер, Опоку, Опери; Берат Оздемир, Дениз Туруч (60 — Бринч), Креспо (85 — Умут Гюнеш), Кемeн (74 — Да Кошта), Юсуф Сари (85 — Бейаз), Шомуродов (85 — Эргюн).
Огоҳлантиришлар: Озжан (29), Чуқур (48) — «Фатих Қарагумрук». Креспо (37), Да Кошта (86) — «Башакшеҳир».