Turkiya Superligasi 1-turidan qoldirilgan uchrashuvda «Bashakshehir» safarda «Fatih Qaragumruk» ustidan 2:0 hisobida g‘alaba qozondi.

Nuri Shahin boshchiligida ilk rasmiy o‘yinini o‘tkazgan «Bashakshehir» yangi murabbiyiga g‘alaba sovg‘a qildi. Birinchi bo‘limda Eldor Shomurodov raqib darvozasini ishg‘ol qilgandi, ammo gol ofsayd tufayli bekor qilindi.

65-daqiqada Eldor Shomurodovning uzatmasidan keyin Brinch aniq zarba bilan hisobni ochdi. Oradan to‘rt daqiqa o‘tib, Yusuf Sarining uzatmasidan keyin Anl Yig‘it Chinor o‘z darvozasini ishg‘ol qilib qo‘ydi — 0:2.

Qolgan vaqtda mezbonlar xavfli vaziyatlar yaratgan bo‘lsa-da, ulardan foydalana olishmadi. «Bashakshehir» musobaqadagi birinchi g‘alabasini qo‘lga kiritib, ochkolarini 5 taga yetkazdi. «Fatix Qaragumruk» hisobida esa 3 ochko mavjud.

Turkiya superligasi. 1-tur (qoldirilgan o‘yin)
17 sentyabr. Pirey. «Ataturk Olimpik» stadioni
Hakam — Ali Yilmaz (Turkiya)
«Fatih Karagumruk»  — «Bashakshehir» - 0:2 (0:0)
Gollar: Brinch, 65 (0:1). Chinor, 69, avtogol (0:2).
«Fatih Karagumruk»: Grbich; Atakan Chankaya, Muhammad Qadio‘g‘lu, Anl Yig‘it Chinor, Balkovech; Jonson (86 — Demirol), Berkay Ozjan (86 — Akso‘n), Kalpakli (46 — Serjinyo), Tiago Chuqur, Barish Qalayji (46 — Kamacho), Grey (68 — Dox).
«Bashakshehir»: Muhammad Shengezer; Ebosele, Hamza Gyureler, Opoku, Operi; Berat Ozdemir, Deniz Turuch (60 — Brinch), Krespo (85 — Umut Gyunesh), Kemen (74 — Da Koshta), Yusuf Sari (85 — Beyaz), Shomurodov (85 — Ergyun).
Ogohlantirishlar: Ozjan (29), Chuqur (48) — «Fatix Qaragumruk». Krespo (37), Da Koshta (86) — «Bashakshehir».