Лондоннинг "Арсенал" ва Каталониянинг "Барселона" клублари собиқ футболчиси Эммануэль Пети "Реал"нинг Европа Чемпионлар лигасидаги ўйинларидаги ҳакамлар иши ҳақида гапирди.
"Европа Чемпионлар Лигасида "қаймоқранглилар"га топ-клублар қаршилик кўрсатган ўйинларни кузатадиган бўлсак, ҳар доим "Реал" фойдасига қарор қабул қилинган. Мадридга қарши шов-шувли қарорлар бўлмайди.
"Марсель" билан ўйинда Карвахалнинг четлатилиши? Бу очиқ-ойдин нарса. Аммо VAR футболчини қизил карточкадан қутқариш учун ҳеч бўлмаганда нимадир топишни истаётгандек туюлди", - дея Петининг сўзларини келтиради RMC Sport.
Эслатиб ўтамиз, "Реал" 10 киши бўлиб, провансалликларни 2:1 ҳисобида мағлуб этди. Иккала гол ҳам пенальтидан урилди.
