Миланнинг "Интер" клуби ҳужумчиси Франческо Пио Эспозито Чемпионлар лигаси доирасидаги "Аякс"га (2:0) қарши ўйиндан сўнг интервью берди.
20 ёшли италиялик футболчи кеча "нерадзуррилар"нинг асосий таркибида жароҳат туфайли майдонга туша олмаган сардор Лаутаро Мартинеснинг ўрнини эгаллади.
"Мен Жекога доим қойил қолганман", - дея эътироф этди умидли ҳужумчи. - Мен уни "Интер"даги машғулотларда кўрганман. У фақат голлар учун ўйнамаган - унинг учун жамоага ёрдам бериш муҳим эди. Ҳозирги ҳужумдаги шерикларим жаҳон даражасидаги футболчилар, буни бугун Маркус Тюрам яққол кўрсатиб берди. Мен улардан ҳар куни янги нарсаларни ўрганишга ҳаракат қиламан", - деди Эспозито.
"Интер" "Аякс"га қарши ўйинда уч очкони Маркус Тюрамнинг дубли эвазига қўлга киритди.
