"Овьедо" мухлиси Килиан Мбаппе ва Винисиусга нисбатан ирқчилик қилгани учун жаримага тортилди.
24 август куни Ла Лига 2-туридан ўрин олган баҳсда "Реал" сафарда "Овьедо"ни мағлуб этди (3:0). Ўйин давомида мезбонлар мухлисларидан бири "Мадрид" футболчилари Килиан Мбаппе ва Винисиусга нисбатан ирқчилик руҳидаги ҳақоратли сўзларни айтган. Мухлис 37-дақиқада Мбаппенинг голидан кейин имо-ишоралар ва товушлар билан маймунни тасвирлаган.
Зўравонликка қарши кураш бўйича давлат комиссияси мухлисга 4 минг евро жарима солиш ва 12 ойга спорт объектларига боришни тақиқлаш таклифини маъқуллади.
Шу билан бирга, тергов суди томонидан тергов ҳаракатлари давом этмоқда. Айбланувчи шахсга уч йилгача қамоқ жазоси таҳдид солмоқда.













