"Барселона"нинг польшалик ҳужумчиси Роберт Левандовски Англия Премьер-лигаси клубларининг катта харажатлари ҳақида фикр билдирди.
"Кўриб турибсизки, улар бир мавсумни ҳам яхши ўтказмаган футболчиларни катта пулга сотиб олишади. Агар ёш бўлсанг, 6 ойда 10 та гол урсанг, қайсидир клуб 60 ёки 70 миллион тўлайди. Илгари сен нимагадир эришишинг керак эди, ҳозир эса улар тўлаётган нарх керакли сифатга мос келишини билмайсан", - дея Левандовскининг сўзларини келтиради Times Sport.
Левандовски ҳеч қачон Англия Премьер-лигасида ўйнамаган. Фаолиятининг асосий қисмини "Бавария"да ўтказган, у ердан 2022 йилда "Барселона"га кўчиб ўтган.
