"Интер Майами" ҳужумчиси Лионель Месси клуб билан шартномасини узайтиришга яқин турибди.
38 ёшли футболчининг "қўтонлар" билан амалдаги келишуви шу йил охирида ўз ниҳоясига етади, аммо тез орада узайтирилиши мумкин. Inter Miami News Hub хабарига кўра, катта эҳтимол билан аргентиналик суперюлдузнинг янги меҳнат шартномаси бир йилга мўлжалланган бўлади, шунингдек, битимда яна бир мавсумга узайтириш имконияти ҳам кўзда тутилган. Шундай қилиб, футболчи 2027 йил охиригача МЛСда ўйнашни давом эттириши эҳтимоли юқори - ўшанда у 40 ёшда бўлади.
Лионель Месси 2023 йилнинг ёзида "Интер Майами"га ўтган, бунгача у "Барселона" ва "ПСЖ" шарафини ҳимоя қилган.













