"Манчестер Сити" бош мураббийи Хосеп Гвардиола клубнинг 20 ёшли ҳимоячиси Нико О'Райлининг Чемпионлар Лигаси умумий босқичи 1-туридан ўрин олган "Наполи"га (2:0) қарши ўйиндаги ҳаракатларига баҳо берди.
"Нико О'Райли... у биринчи даражали ўйинчи. У учта, тўртта позицияда ўйнай олади. У стандарт вазиятларда, бирга-бир вазиятларда, тўп билан яхши ҳаракат қилади, сўнгги позицияларда яхши ҳаракат қилади. Умид қиламанки, у яна узоқ йиллар биз билан ўйнайди!," - дея Гвардиоланинг сўзларини келтиради клуб матбуот хизмати.
Англиялик ҳимоячи О’Райли жорий мавсум "Манчестер Сити" сафида барча мусобақаларда 6та ўйинда майдонга тушди.
