Алекс Фергюсон деменциядан қўрқишини маълум қилди. Ҳозирда "Манчестер Юнайтед"нинг собиқ бош мураббийи 83 ёшда.

"Укамнинг аҳволи шундай – бу осон эмас. Мен у билан тез-тез гаплашиб тураман. У мени танийди, лекин хотираси яхши эмас. Унинг аҳволи ёмонлашмаяпти ва бу жуда умид беради.

Мен ундан атиги бир ёш каттаман. Менинг ёшимда хотиранг панд бермаслиги ҳақида хавотирланишни бошлайсан. Бу фикр доимо онгимнинг тубида турибди.

Декабрда 84 ёшга тўламан ва баъзида ниманидир унутиб қўяман. Эҳтимол, 20 йил олдин ҳам, 30 йил олдин ҳам шундай бўлгандир... Ҳеч ким мукаммал хотирага эга эмас.

Аммо футбол ҳақида, мен мураббий бўлган даврлар ҳақида гап кетганда – хотира доим муҳим бўлган.

Ҳозир кроссвордлар ечяпман, кўп қўшиқ айтаман. Мен тарихга – АҚШдаги фуқаролар урушига қизиқаман", - деди Фергюсон.