Петер Шмейхелнинг фикрича, "Ман Юнайтед" бошқа дарвозабон билан шартнома имзолаши керак эди.

Манкунианликлар бу ёзда 23 ёшли Сенне Ламменсни 21 млн евро ва "Антверпен"дан бонуслар эвазига сотиб олган эди.

"Биз Эми Мартинесга шартнома беришимиз керак эди. Аслида, имконимиз бўлганида Жанлуиджи Доннаруммани танлашимиз керак эди.

Мартинес билан барчаси тайёр эди ва бу ҳақиқатан ҳам яхши янгилик эди, чунки у "Манчестер Юнайтед"га керак бўлган дарвозабон. У энг юқори даражада эканлигини исботлади. У барча асосий функцияларни аъло даражада бажаради, лекин бундан ташқари, у ҳақиқий етакчи. У ҳужумчиларни икки марта ўйлантирадиган дарвозабонлардан. Унинг ҳозир бўлиши жуда муҳим. Шунинг учун битим молиявий сабабларга кўра барбод бўлганини эшитиш жуда ачинарли эди.

Ламменсга келсак, тўғрисини айтсам, бу маълумот пайдо бўлгунча у ҳақда ҳеч қачон эшитмаганман. Биламан, у Европанинг энг яхши ўнта лигасида ажойиб статистикага эга. Аммо бу бешинчи ўринни эгаллаган Бельгиянинг "Антверпен" жамоасида бўлди. У саккизта пенальтининг тўрттасини қайтарди, аммо футболчиларни фақат статистика асосида жалб қилиш хавфли. Статистика хатога қандай муносабатда бўлишингни ёки "Манчестер Юнайтед" босимига қандай дош беришингни кўрсатмайди. Бу босим футболдаги ҳеч бир босимга ўхшамайди.

Ламменс тарихдаги энг яхши харид бўлиши мумкин, аммо ҳозир бунга умид кўпроқ ва бу ҳозирда "Юнайтед"га керак бўлган нарса эмас. Агар биз уни Мартинес билан бирга имзолаганимизда, бу мутлақо мантиқий бўларди: асосий дарвозабон сифатида жаҳон чемпионатининг синалган ғолиби, унинг ёнида эса истеъдодли ёш дарвозабон етишиб чиқарди", - деди "Манчестер Юнайтед"нинг собиқ дарвозабони.