Германия терма жамоасининг собиқ бош мураббийи Йоахим Лёв терма жамоанинг бугунги даражаси ҳақида гапирди.
«Биз яна дунёдаги энг яхшилар қаторига кириш учун қандайдир ечимларни топишимиз керак. Ҳозир биз бундай ҳолатда эмасмиз. Жамоа ҳали ҳам ўзгариш даврини бошдан кечирмоқда, бу ҳар доим ҳам осон кечмайди», - дея Лёвнинг сўзларини келтиради RTL/ntv.
Мутахассис германияликлар устози Юлиан Нагельсманнинг мураббийлик сифатларига юқори баҳо бериб, уни кўплаб яхши ғояларга эга инновацион мураббий деб атади.
