Фарғона футболи тарихида янги саҳифа очилмоқда. 1 октябрь куни «Нефтчи» академияси ўз фаолиятини расман бошлайди.

Хабарингиз бор, жорий йилнинг 30 июнь санасида «Нефтчи» ПФК ўз академияси очилишини ва ёш иқтидорларни имтихондан ўтказиш орқали саралашини эълон қилган эди. Саралаш жараёнларида нафақат республикамизнинг барча ҳудудларидан, балки қўшни республикалардан ҳам келган юзлаб ёш истеъдодлар академиямизда ўз маҳоратларини намойиш қилишди.

Саралаш босқичларида ёш иқтидор эгаларининг техник тайёргарлиги, жисмоний ҳолати ва футболга бўлган муносабати синчиклаб баҳоланди.

Мураббийлар штаби энг иқтидорли ва меҳнатсевар ёшларни саралаб олиш учун иш олиб борди.

Хозирга келиб Фарғона футболи тарихи ва келажагини уйғунлаштирган «Нефтчи» академияси иш фаолиятини бошлаш арафасида, бу ташаббус орқали клубимиз:

- Иқтидорли ёшларни кашф этиш – Республикамиз ва ҳатто қўшни давлатлардан келган болалар сараланиб, улар учун катта футбол эшиклари очилади.

- Замонавий инфратузилмалар яратади – янги майдонлар, замонавий ускуналар ва қулай спорт шароитлари ёшлар ихтиёрида бўлади.

- Илғор методларни жорий этади – тажрибали мураббийлар Европанинг замонавий футбол дастурлари асосида машғулотлар олиб боришади.

- Баркамол шахсларни тарбиялайди – академияда фақат майдондаги ўйин эмас, балки интизом, маънавият ва жисмоний барқарорликка ҳам эътибор қаратилмоқда.

- Келажак чемпионларини етиштириб чиқаради – мақсадимиз «Нефтчи» сафини ўз академиямиз тарбиялаган футболчилар билан тўлдириш ва миллий терма жамоага муносиб авлод тайёрлаш.

- Замонавий инфратузилмалар асосида машғулотлар ташкил этиш;

- Тажрибали ва малакали мураббийлар орқали илғор Европа методларини жорий этиш;

- Футболчининг нафақат майдонда, балки маънавий ва жисмоний жиҳатдан ҳам баркамол ривожланишини таъминлашни мақсад қилади.

- Академия орқали «Нефтчи» клуби маҳаллий иқтидор эгаларига катта футбол эшикларини очади. Бу ерда иқтидорли болалар футболчи сифатида етишиб чиқиб, келажакда нафақат жамоамизни, балки миллий терма жамоамизни ҳам шараф билан ҳимоя қилишлари кутилмоқда.

- Замонавий шароит, юқори малакали мураббийлар ва профессионал дастурлар орқали «Нефтчи»нинг янги авлоди шаклланади.

- Академия – бу шунчаки машғулот майдони эмас, балки олий мақсадлар йўлидаги биринчи катта қадам!