"Челси" бош мураббийи Энцо Мареска "Манчестер Юнайтед"га қарши ўйин олдидан Алехандро Гарначонинг ҳолати ҳақида гапирди.
"Кўклар"нинг "қизил иблислар" билан ўйини шанба куни бўлиб ўтади. Гарначо учун бу ўзига хос ўйин, чунки у яқиндагина "Юнайтед"дан Лондон клубига кўчиб ўтганди.
"Агар биз уни асосий таркибда майдонга туширишга қарор қилсак, мен Алехандро билан гаплашаман. Унинг қандай муносабатда бўлишини кўрмоқчиман. Футболчиларга мослашиш учун вақт керак - бу нормал жараён," - деди Мареска матбуот анжуманида, у аввалроқ янги ўйинчи биринчи марта бошланғич таркибда ўйнашга тайёрлигини айтган эди.
