Таниқли инсайдер Фабрицио Романо Лионель Мессининг "Интер Майами" билан янги шартнома бўйича музокаралари ҳақида маълумот берди.
Амалдаги келишув жорий йил охирида тугайди, бироқ томонлар янги битим шартлари бўйича келишувга яқин, деб хабар беради Романо. Муҳокамалар ривожланган босқичда, аммо баъзи тафсилотлар ҳали ҳам ҳал қилиниши керак. Бундан ташқари, клуб МЛСдан рухсат олиши керак. Манбанинг таъкидлашича, шартнома тез орада имзоланиши мумкин.
Лионель Месси 2023 йилнинг ёзидан бери "Интер Майами" шарафини ҳимоя қилмоқда. Июнь ойида "Барселона" ва "ПСЖ"нинг собиқ юлдузи 38 ёшга тўлди.













