"Манчестер Юнайтед" "Ноттингем Форест"нинг 22 ёшли марказий ярим ҳимоячиси Эллиот Андерсонга қизиқиш билдирмоқда. "Қизил иблислар" футболчини келгуси қишда ўз сафларига қўшиб олишни мақсад қилган. Бу ҳақда ТЕАМталк хабар бермоқда.
Манба маълумотларига кўра, манкунианликлар ҳамон "Брайтон" ярим ҳимоячиси Карлос Балеба билан шартнома имзолашдан манфаатдор. Ўтган ёзда оммавий ахборот воситаларида камерунлик футболчига "Манчестер Юнайтед" қизиқиш билдираётгани ҳақида хабарлар тарқалган эди. Бироқ, уни сотиб олиш бўйича уринишлар келгуси ёзда қайта бошланиши эҳтимоли юқорироқ.
"Манчестер Юнайтед" ярим ҳимоя чизиғини кучайтириш учун кўриб чиқаётган яна бир номзод - "Кристал Пэлас" таркибида ўйнайдиган Адам Уортон. Аммо 21 ёшли ўйинчининг 2026 йилги жаҳон чемпионатигача жамоасини ўзгартириши эҳтимолдан йироқ.
