Италия А серияси 4-туридан ўрин олган “Удинезе” – “Милан” учрашуви якунланди. Жамоалар Италиянинг Удине шаҳридаги “Блюэнержи” стадионида майдонга тушишди. Мезбонлар мазкур баҳсда йирик ҳисобда мағлубиятга учрашди — 0:3.

Биринчи гол 39-дақиқада “Милан” ҳужумчиси Кристиан Пулишич томонидан киритилди. 46-дақиқада ярим ҳимоячи Юссуф Фофана америкалик футболчининг узатмасидан сўнг ҳисобни оширди. 53-дақиқада эса Пулишич дублга эришди.

Бу ғалабадан кейин “Милан”нинг очколари сони 9 тага етди. “Россонери” А серия жадвалида иккинчи ўринга кўтарилди. “Удинезе” эса 7 очко билан олтинчи ўринда бормоқда.

Италия — А серия. 4-тур
20 сентябрь 2025 йил, шанба.
Удинезе (Удине) — Милан (Милан) - 0:3
Голлар: 0:1 — Пулишич (39'), 0:2 — Фофана (46'), 0:3 — Пулишич (53')