"Ювентус" вингери Франсишку Консейсау А Серия доирасидаги "Верона"га (1:1) қарши ўйиндаги дуранг ҳақида фикр билдирди.
Португалиялик футболчи 19-дақиқада "кекса синьора"ни ҳисобда олдинга олиб чиқди, бунга майдон эгалари биринчи бўлим охирида пенальтини аниқ амалга ошириб, жавоб берди.
"Бизда кучли жамоа бор, учта турнирда иштирок этамиз. Биз чарчадик, бу нормал ҳолат. "Верона" билан сафарда осон бўлмаслиги аниқ эди. Бугун тўпни жуда кўп йўқотдик, аммо буни ҳар уч кунда ўйнаётганимиз билан изоҳлаш мумкин," - деди Консейсау интервьюда.
"Ювентус" А Сериянинг 4-туридан кейин 10 очко жамғарди. 27 сентябрь, шанба куни Игор Тудор жамоаси ўз майдонида "Аталанта"га қарши баҳс олиб боради.
