Италия чемпионатида тўртинчи тур ўйинлари давом этмоқда, "Милан" Удинеда йирик ҳисобда ғалаба қозонди - 3:0. Мезбонлар мураббийи муваффақиятсизликка учрашининг асосий сабабини ўзидан номдорроқ клуб қаршисида футболчиларнинг журъатсизлиги деб ҳисобламоқда.
"Футболчиларим ўзларини кўрсата олишмади. Улар "Милан"дан жуда қўрқишарди. Майдонда керакли энергияни кўрмадим. "Милан" эса ҳозир, чемпионат бошида энг яхши жамоа бўлиши мумкин," - дея Руньяичнинг сўзларини келтиради pianetamilan.it.
Яна бир ҳафтадан сўнг "Удинезе" сафарда "Сассуоло" меҳмони бўлади.
