"Бенфика" бош мураббийи Жозе Моуриньо ўзининг янги жамоага тайинланиши ҳақида гапирди. Португалиялик ўз ватанига яқиндагина қайтган. "Бургутлар" бошқарувидаги биринчи ўйинда "ABC" устидан қозонилган ғалабадан сўнг (3:0) мураббий фаолиятининг бошида ишлаган "Порту" ҳақида гапирди.
"Мен "Бенфика"га "Порту"га қарши жанг қилиш учун келганим йўқ. Бу "Бенфика" каби энг буюк клублардан бири. Қайтиб келганимдан сўнг Виллаш-Боаш ["Порту" президенти] билан мулоқот қилдим. Мен шунчаки ғалаба қозонмоқчиман, орамизда ҳеч қандай душманлик йўқ," - дея Моуриньонинг сўзларини келтиради журналист Альфредо Педулла.
Айни дамда "Порту" 6 турдан сўнг 18 очко билан мусобақа жадвалида пешқадамлик қилмоқда. "Бенфика" битта захира ўйини билан 13 очко билан иккинчи ўринда.
Эслатиб ўтамиз, Жозе Моуриньо 2002-2004 йилларда "аждарлар"ни бошқарган. Мутахассис кетишидан олдин жамоани Чемпионлар лигасида ғалабага етаклаган.
