Ла Лига президенти Хавьер Тебас "Сантьяго Бернабеу" стадиони олдидаги мухлислар билан боғлиқ воқеага муносабат билдирди. Уларга ўйинга Фаластин байроқларини олиб киришга рухсат берилмаганди.
Тебаснинг ишонтиришича, Ла Лига томонидан ҳеч қандай тақиқ мавжуд эмас.
«Йўқ, Ла Лига Фаластин байроқларини тақиқламаган ва бундан кейин ҳам тақиқламайди. Агар барча нарса қоидалар доирасида бўлса ва спортга халақит бермаса, бу нормал ҳолат. Ғазода содир бўлаётган воқеалар жуда мураккаб ва оғир вазиятдир», - дея Тебаснинг сўзларини cope.es келтиради.
Аввалроқ Испаниянинг Бильбао шаҳридаги "Сан-Мамес" стадиони Басклар мамлакати ва Фаластин терма жамоалари ўртасидаги ўртоқлик ўйинига мезбонлик қилиши маълум бўлганди. Ўйин 15 ноябрга белгиланган.
