Лондоннинг "Арсенал" клуби ярим ҳимоячиси Деклан Райс жамоанинг Премьер-лига жорий мавсумидаги ўйинлари тақвими ҳақида фикр билдирди.
Якшанба куни "канонирлар" "Манчестер Сити" билан дуранг ўйнади (1:1). Бунгача Микель Артета жамоаси "Ноттингем Форест", "Ливерпуль", "Лидс" ва "Манчестер Юнайтед" клублари билан куч синашган эди.
"Балки мавсум стартидаги тақвимимиз чемпионатнинг бошқа ҳар қандай жамоасидан кўра мураккаброқдир. Биз аллақачон бир нечта топ-даражадаги рақиблар билан учрашишга улгурдик. Кейинги ҳафтада "Ньюкасл" билан ўйнашимиз керак, кейин "Вест Хэм" билан, шунинг учун осон бўлмаяпти", - дея Райснинг сўзларини келтирмоқда инглиз ОАВ.
"Арсенал" беш турдан кейин ўн очко билан жадвалда иккинчи ўринда бормоқда.
