"Арсенал" бош мураббийи Микель Артета "Манчестер Сити"га (1:1) қарши ўйиндан кейин Габриэль Мартинеллининг ўйинидан олган таассуротлари билан ўртоқлашди.
Бразилиялик вингер ўйиннинг 80-дақиқасида захирадан майдонга тушди ва ҳакам томонидан қўшиб берилган дақиқаларда ҳисобни тенглаштириб, "канонирлар"ни мағлубиятдан қутқариб қолди.
"Эҳтимол, Мартинелли асосий таркибда майдонга тушишга лойиқ эди, аммо бундай қилмадик. У шикоят қилиш ўрнига, ақл бовар қилмайдиган энергия олиб келди ва жамоага бир очко олишга ёрдам берди. Эберечи Эзе ҳақида ҳам шундай дейиш мумкин," - дея Артетанинг сўзларини келтиради журналист Фабрицио Романо.
