"Манчестер Сити" бош мураббийи Хосеп Гвардиола "Арсенал"га (1:1) қарши ўйиндан кейин ўз фикрларини билдириб ўтди. "Шаҳарликлар" иккинчи бўлимга қўшиб берилган дақиқаларда гол ўтказиб юборишди ва ғалабани қўлдан чиқаришди.

"Бир ҳафта ичида биз мураккаб ўйинларни ўтказдик - "Манчестер Юнайтед"га қарши, кейин Чемпионлар Лигаси... Бугун ҳам кучли жамоага қарши ўйнадик. Матонат учун жамоам олдида шляпамни ечаман. Юқори прессингда самарасиз ўйнаганда ҳужумлар уюштириш жуда қийин. Биз бир нечта қарши ҳужумларни амалга оширдик. Ўйлайманки, натижа адолатли. Умуман олганда, "Арсенал" яхшироқ эди.

Биз жуда чарчаганмиз. "Наполи" билан ўйин жуда эмоционал бўлди ва тикланиш кунидан сўнг Лондонга йўл олдик. "Арсенал" сўнгги икки мавсумда чемпионлик учун кураш олиб борди ва Чемпионлар лигасининг ярим финалига чиқди. Уларга қарши курашиш жуда қийин. Кўплаб ўйинчилар чарчаган. Бундан ташқари, бизда кўплаб жароҳатлар бор", - деди Гвардиола.