"Барселона"нинг чап қанот ҳимоячиси Жерар Мартин Ла Лига доирасида "Хетафе"га қарши ўйиндан сўнг интервью берди.
Якшанба кунги ўйин каталонияликларнинг 3:0 ҳисобидаги ғалабаси билан якунланди. 23 ёшли Мартин ўйинни асосий таркибда бошлаб, 83-дақиқагача ўйнади, шундан сўнг унинг ўрнини Роналд Араухо эгаллади.
"Имконият топилса, мураббийга яхши формада эканлигимни кўрсатиш учун қўлимдан келганини қилишга ҳаракат қиламан.
Одамлар мени қадрлашса, ўзимдан чексиз ғурурланаман. Мен жуда хурсандман. Мухлислар менинг исмимни айтишаётганини эшитиш жуда ёқимли эди", - деди Мартин ўйиндан кейинги интервьюсида.
