Френк Лебеф Коул Палмернинг "МЮ"га қарши ўйиндаги иштироки ҳақида фикр билдирди.
"Челси" Англия премьер-лигасининг 5-турида 1:2 ҳисобида мағлубиятга учради. 6-дақиқада жамоа дарвозабон Роберт Санчеснинг четлатилиши туфайли бир кишига кам қолди.
Ўшанда лондонликлар бош мураббийи Энцо Мареска икки ўзгариш киритган эди, Палмер эса кейинроқ 21-дақиқада алмаштирилди.
"Агар Палмер 100 фоиз тайёр бўлмаса, у ўйнамаслиги керак. Айниқса, мураббий ихтиёрида 200 та ўйинчи мавжуд бўлган "Челси"да.
Агар ҳужумчилардан бирини алмаштириш зарур бўлса, аввало Педро Нетуни эмас, балки 100 фоиз тайёр бўлмаган Палмерни чиқариш керак эди.
Бу Энцо Маресканинг аҳмоқона қарори," - деди "Челси"нинг собиқ ҳимоячиси Франк Лебеф.
