Кокенинг фикрича, "Атлетико" ҳозирча ўзлари муносиб натижаларга эриша олмаяпти.
Мадридликлар Ла Лиганинг 5-турида "Мальорка" (1:1) билан дуранг ўйнади ва ҳозирда турнир жадвалида 12-ўринни эгаллаб турибди.
"Бизга дарвоза яқинида аниқлик етишмади. Бизда вазиятлар бўлди, ҳатто пенальти ҳам.
Улар ажойиб гол уришди, биз ўйиннинг уч чораги давомида яхши ўйнадик, "Мальорка"ни тўлиқ қамал қилдик, ҳисобда олдинга чиқиб олдик... Якунда бизга унчалик фойда келтирмайдиган дуранг билан қайтдик.
Кўп очко йўқотдик, лекин май ойига ҳали анча бор. Футбол бизга ўз ҳақини қайтариши керак, чунки биз жуда яхши ишлаяпмиз", - деди "Атлетико" сардори Коке.
