Ўзбекистон терма жамоасининг собиқ футболчиси Павел Соломин Аббосбек Файзуллаев трансфери борасида фикр билдирди. ЦСКА ярим ҳимоячиси ёзда Туркиянинг "Истанбул Башакшеҳир" клубига ўтди.
"Уни Европанинг қайсидир топ чемпионатида кўришни истардим, у бунга лойиқ. Афсуски, ҳозир Файзуллаев ҳар доим ҳам ўйин амалиётига эга бўлмаяпти, бу эса терма жамоа учун унчалик яхши эмас," - дея Соломиннинг сўзларини келтиради Легалбет.
Файзуллаев янги клуби сафида 5 та ўйинда майдонга тушди ва деярли барча ўйинларда захирадан ўйинга қўшилди. Келаси йили Ўзбекистон тарихда илк бор жаҳон чемпионатида иштирок этади.
