Жанлуижи Доннарумма France Football томонидан мавсумнинг энг яхши дарвозабони деб топилди.

Аввалроқ "ПСЖ" шарафини ҳимоя қилган "Манчестер Сити" посбони "Олтин тўп"ни топшириш маросимида Лев Яшин номидаги совринни қўлга киритди.

Бу италияликнинг ушбу номинациядаги иккинчи ғалабаси, у биринчи марта 2021 йилда ғолиб бўлган. Доннарумма шу кунгача иккита совринни қўлга киритган ягона Эмилиано Мартинеснинг рекордини такрорлади.

Овоз бериш жараёнида кучли бешликка Алиссон ("Ливерпул"), Ян Зоммер ("Интер"), Тибо Куртуа ("Реал") ва Яссин Буну ("Ал-Ҳилол") ҳам кирди.

"Челси" аъзоси Ханна Хэмптон аёллар ўртасида энг яхши дарвозабон деб топилди.