Италиялик машҳур мураббий Арриго Сакки А Серия доирасидаги "Наполи" - "Пиза" учрашуви юзасидан фикр билдирди. Тўртинчи тур доирасидаги учрашув Антонио Конте шогирдларининг 3:2 ҳисобидаги ғалабаси билан якунланди.
"Контени биламан, у ўз футболчиларини ўтказиб юборилган 2 та гол учун койиб, тўлиқ қониқмаганини айтади. Бу унинг усули ва ҳозирча у жуда яхши натижалар бермоқда. Энди вазифа жамоа атрофидаги эйфорияни енгиб, концентрацияни сақлаб қолишдан иборат бўлади", - дея Саккининг сўзларини келтиради Gazzetta dello Sport.
"Наполи" 4 ўйиндан 4 тасида ғалаба қозониб, турнир жадвалида биринчи ўринни эгаллаб турибди. "Ювентус" ҳисобида 10, "Милан" ва "Рома"да 9 очкодан бор.
