"Ливерпуль" сардори Виржил ван Дейк Англия Лига кубогига бўлган муносабати ҳақида гапирди.

"Лига кубоги ҳар доим менинг қалбимда алоҳида ўрин эгаллайди. Шахсан мен "Уэмбли"да 2022 ва 2024 йилги финалларда "Челси"ни мағлуб этганимиздаги ҳиссиётларни ҳеч қачон унутмайман. Ўша кунлар ҳаётимдаги энг яхши кунлардан бири.

Албатта, ўтган мавсум финалида "Ньюкасл"га ютқазганимизда ҳафсаламиз пир бўлганди. Бу яхши эмасди, аммо энди биз яна майдонга тушиш имкониятини интиқлик билан кутмоқдамиз," - дея ван Дейкнинг сўзларини келтиради "Ливерпуль" матбуот хизмати.

Сешанба куни "Ливерпуль" Лига кубогининг 3-босқичи доирасида "Саутгемптон"ни қабул қилади.