"Манчестер Сити" устози Хосеп Гвардиола ҳужумчи Эрлинг Холанднинг ҳолати ҳақидаги саволга жавоб берди. "Арсенал"га қарши сўнгги ўйинда норвегиялик футболчи иккинчи бўлимда захирага олинганди.
«Кеча Холанд тикланди. Бугун уни ҳам, бошқа ўйинчиларни ҳам ҳали кўрмадим. Умид қиламанки, у дам олиш кунларигача формада бўлади. Оғир ҳафтани ўтказдик, айниқса сўнгги ўйинни. Баъзида футболчиларда муаммолар пайдо бўлади. Ўйлайманки, дам олиш кунларигача ҳаммаси жойида бўлади», - деди Гвардиола матбуот анжуманида.
Маълум бўлишича, Эрлинг Холанд Лига Кубогида "Ҳаддерсфилд Таун"га қарши ўйнамайди. Учрашув 24 сентябрь, чоршанба куни бўлиб ўтади.
